"М.Шаханов атындағы жалпы білім беретін мектеп" КММ-де 2025 жылдың 7 сәуірі мен 25 сәуірі аралығында "Талапкер" әдістемелік бірлестігінің жоспарына сәйкес "Жас маман – ертеңгі бас маман" атты айлық іс-шара ұйымдастырылды.
Мектебімізде 9-10 сынып оқушыларының қатысуымен «Әлемдегі барлық мектептерде бірдей білім беру жүйесі болу керек пе?»тақырыбында пікір-сайыс ұйымдастырылды. Іс-шараның жетекшісі– Сәдір Айдын.
Бұл дебат сабағы оқушылардың түрлі өнер мен шығармашылыққа деген қызығушылығын арттырып, оларды өз ойларын еркін әрі сауатты жеткізуге баулу мақсатында өткізілді.
Дебат сабағының мақсаты:
- Оқушылардың заман талабына сай танымын кеңейтіп, біліктілігі мен белсенділігін арттыру;
- Түрлі мәселелерге өз көзқарасын білдіру, аргументтерін ашық, сенімді, әрі әдепті түрде жеткізу дағдыларын дамыту;
- Дебат әдісі арқылы шешендік қабілетін жетілдіру, сөздік қорын байыту және сөйлеу мәдениетін қалыптастыру.
Бұл шара оқушылардың сыни ойлау қабілетін дамытып, пікірталас мәдениетін меңгеруге мүмкіндік берді
