Ұлы ойшыл, кемеңгер ақын, қазақ руханиятының темірқазығы — Абай Құнанбайұлының туғанына 180 жыл толуымен баршаңызды шын жүректен құттықтаймыз!
Абай — қазақ халқының рухани көкжиегін кеңейткен тұлға. Оның өшпес мұрасы — адами құндылықтарды дәріптейтін, рухани жаңғыруға жол ашатын мәңгілік ілім. Ақынның шығармалары елді бірлікке, ұрпақты білімге, парасаттылыққа жетелейді.
Бүгінгі ұрпақ Абайдың «Толық адам» ілімін, қара сөздерін санасына сіңіру арқылы ел болашағын айқындайды. Бұл — біздің рухани тұғырымыздың беріктігін, елдігіміздің тереңдігін танытатыны сөзсіз.
Абай мұрасы — ұлттың жүрегінде, ұрпақтың санасында. Осы мерейлі мереке баршамызға шабыт беріп, парасат биігіне жетелесін!
