ҚҰРМЕТТІ ӘРІПТЕСТЕР, ҚАДІРЛІ ҰСТАЗДАР!
Сіздерді кәсіби мерекелеріңіз-Ұстаздар күнімен шын жүректен құттықтаймын!
Ұстаздық - кез келген мамандықтан биік,ұрпақ тәрбиелеу мен білім беруді қатар алып жүретін, үлкен жауапкершілікті талап ететін мәртебелі міндет.
Ұстаз,ол-ұлттың рухани тірегі, болашақтың жарқын жолбасшысы. Сіздердің ұрпаққа берген әрбір біліміңіз бен тәлім-тәрбиеңіз- еліміздің ертеңгі кемел келешегінің кепілі.
Сіздердің маңдай тер еңбектеріңіз арқылы шәкірттеріміз биік белестерді бағындырып, қоғамның саналы тұлғасы болып қалыптасуда. Бұл -сіздердің қажыр-қайраттарыңыз бен жүрек жылуларыңыздың жемісі.
Осы мерейлі Ұстаздар күнінде, әрбіріңізге:зор денсаулық, отбасылық береке-бірлік, еңбектеріңізге сәттілік тілеймін. Әрдайым шәкірттеріңізбен бірге жеңіс тұғырынан көріне беріңіздер!
Ұрпақ тәрбиесіндегі өлшеусіз еңбектеріңіз үшін алғыс білдіремін.
ТӨЛ МЕРЕКЕЛЕРІҢІЗ ҚҰТТЫ БОЛСЫН!
Құрметпен,
М.Шаханов атындағы жалпы білім беретін мектеп директоры Нұрдәулет Бейсенбайұлы
