Жаңалықтар

ӘЙЕЛДЕРГЕ ҚҰРМЕТ – ҚОҒАМҒА ҚҰРМЕТ

8 наурыз – Халықаралық әйелдер күніне орай мектепте мерекелік іс-шара өтті!

Бұл күні мектеп директоры Баубеков Нұрдаулет Бейсенбайұлы және ұжымдағы ер азаматтар нәзік жандыларды көктемнің шуақты мерекесімен құттықтап, оларға ерекше құрмет көрсетті.

«Әйел бір қолымен бесікті, екінші қолымен әлемді тербетеді» деген дана сөз бар. Әйел – тек отбасының емес, тұтас қоғамның тірегі. Ізгілік пен мейірімнің, адамгершілік пен сұлулықтың символы. Сондықтан бұл мереке – тек аналар мен қыз-келіншектердің ғана емес, барша адамзат үшін ерекше күн.

Мерекелік кештің шымылдығы ұжымдағы ханымдарға гүл шоқтарын ұсынумен ашылды. Артынша мектеп басшысы құттықтау сөз сөйлеп, әйел-ананың қоғамдағы рөлін айрықша атап өтті. Сонымен қатар, еңбегімен ерекшеленген қызметкерлерге арнайы марапаттар табыс етті.

Кеш соңында ұжымдағы ер азаматтар ақжарма тілектерін білдіріп, аналарға арналған әсем әндерін тарту етті.

Мейірім мен жылылыққа толы осы шуақты күн баршаға қуаныш сыйлады! https://www.facebook.com/share/v/18YAuMFFau/

https://www.facebook.com/share/v/15sqSxHP3u/